TEMBUNG LINGGA LAN TEMBUNG ANDHAHAN





1.      Tegese Tembung
a.       Tembung yaiku kumpulane wanda-wanda kang nduwei teges kang ganep. ( ana ing basa Indonesia : kata )
Tuladha : cukur,nggambar,nulis,pamulangan,kekembangan,gong,reng lan sapanunggalane.
b.      Wanda yaiku kumpulane aksara sing mujudake swara sakecap ( ing basa Indonesia : suku kata )
Tuladha : cu,kur,gam,bar,nu,lis lan sapanunggalane.
c.       Aksara utawa huruf iku ana loro yaiku :
1)      Aksara swara ( vokal ) : a,i,u,e,o
2)      Aksara sigeg utawa mati ( konsonan ) : b,c,d,f,g,h,j,k,l lan sapanunggalane utawa aksara saliyane aksara swara.
d.      Ukara yaiku kumpulane tmbung-tembung kanthi paugeran lan nduweni teges ganep. ( ana ing basa Indonesia : kalimat )
Tuladha :
1)      Margiyanti nandur kembang.
2)      Bapak maos koran.
3)      Simbah ngunjuk kopi.
4)      Ambar nata buku

2.       Tembung Lingga lan Andhahan.
a.       Tembung lingga yaiku tembung-tembung kang durung owah saka asale ( ing basa Indonesia : Kata dasar/kata asal ).
Tuladha : cukur, tulis,gambar,iji,tandur,tuku,sapu,paku lan sapanunggalane.
b.      Tembung andhahan yaiku sakbehing tembung sing wis owah saka asale, amarga oleh ater-ater,seselan,lan panambang. ( ana ing basa Indonesia : kata jadian ).
1)      Ater-ater yaiku wuwuhan utawa imbuhan sing mapan ana ing sangarepe tembung.  
( ana ing basa Indonesia : awalan )
Tuladha tembung andhahan sing oleh ater-ater :
a) Mangan : am + pangan
b) Macul : am + pacul
c) Nulis : an + tulis
d) Digambar : di + gambar
e) Dakpangan : dak + pangan
2)      Seselan yaiku wuwuhan utawa imbuhan sing mapan ana ing satengahe tembung.
( ana ing basa Indonesia : sisipan )
Tuladha tembung andhahan sing oleh seselan :
a)  Tinulis : tulis + (-in)
b) Sinawang : sawang + ( -in)
c) Kuminter : pinter + ( -um)
d) Grandhul : gandhu ( -er )
3)      Panambang yaiku wuwuhan utawa imbuhan sing mapan ana ing samburine tembung. ( ana ing basa Indonesia : akhiran )
Tuladaha tembung andhahan sing oleh panambang :
a)  Tulisana : tulis + -ana
b) Pakani : pakan + -i
c) Tembangake : tembang + -ake
d) Tutupen : tutup + -en

Komentar

Posting Komentar

Postingan populer dari blog ini

Terjemahan Serat Wulangreh Pupuh Pangkur

SERAT WULANGREH PUPUH PANGKUR Anggitanipun Kanjeng Sri Susuhunan Pakubuwana IV. ( Pada 1 ) Kang sekar pangkur winarna lelabuhan kang kanggo wong ngaurip ala lan becik puniku prayoga kawruhana adat waton puniku dipun kadulu Mmiwah ta ing tata karma den kaesthi siyang ratri. Terjemahan bebas mawa basa jawa : Piwulang kang   kaemot mawa tembang pangkur, prayogane kokmangerteni, bab pangabdian marang panguripan, bab apik lan ala perlu dimangerteni uga, perlu uga dimangerteni adat lan aturan, saben dinane aja padha nglalekake tata krama, awan lan bengi. Terjemahan bebas basa Indonesia: Nasihat ini dimuat dalam tembang pangkur, seyogyanya kamu memahami hakikat pengabdian bagi kehidupan, tentang baik dan buruk perlu kamu ketahui. Pahami pula adat dan aturan,serta siang malam jangan kau lupakan tata karma tersebut. Tegese tembung : Sekar : tembang Winarna : rupane,wujude Lelabuhan : jasa,kabecikan,pengabdian Prayoga : luwih becik Kawruhana
Baca selengkapnya

Tembung-tembung Dasa Nama Lengkap

Dasa nama asale saka tembung dasa = sepuluh, lan nama = jeneng. Dasa nama tegese jeneng pirang-pirang kang tegese padha utawa meh padha (jenenge liya). A. Abang : abing, mbranang, mbrining, merah, jingga, dhadu, rekta, abrit, mirah. Akal : budi, utek, budaya, nalar, reka, pikir, angen-angen Akeh : akwèh, kèh, kwèh, ripah, gung, agung, waha. Aku : amba, ingong, ingwang, ulun, ingsun, kawula, patikbra, manira, robaya, ketenggong. Ala : dur, durta, juti, durstha, dusta, kunjana, durniti, durlaksana. Alas : wana, bana, tarataban, girang, lirang, utan, baga, wulusan, welahan, wanawasa, wanadri, jenggala, kenana,wanantara. Alem : astawa, alembana. Alis : drasthi, rasthi, siratmaja, hening, dahya.imba Alis : imba Allah : Hyang Widhi, Hyang Manon, Hyang Maha Kawasa, Hyang Maha Asih, Hyang Maha Agung, Hyang Murbeng Jagad, Hyang Maha Adil, Hyang Akarya Jagad, lsp. Alus : mredu, wredu, mardawa, wèdi, widigda, sudha, tanu. Ambegan : napas, huswa, swasa, huswasa.
Baca selengkapnya

Terjemahan Serat Wulangreh Pupuh Gambuh

SERAT WULANGREH PUPUH GAMBUH Anggitanipun Kanjeng Sri Susuhunan Pakubuwana IV.                                                          ( Pada   01 ) Sekar gambuh ping catur kang cinatur polah kang kelantur tanpa tutur katula-tula katali kadaluwarsa katutuh kapatuh pan dadi awon. Terjemahan bebas mawa basa jawa : Tindak-tanduk kang ora gelem ngrungokake pituture wong liya, tindak tanduk kang ora becik kaemot ing sekar gambuh iki, tindak tanduk ala kang ora ana rampunge lan ora ana kendhaline bakal ala asile lan ngrugekake manugsa dhewe. Terjemahan bebas mawa basa Indonesia : Semuanya dimuat dalam Sekar Gambuh. Tembang ini memuat perilaku yang tidak teratur dan menjadi perbincangan orang banyak. Jika tidak mau mendenganr nasihat orang lain,semakin lama semakin tidak terkendali, hal ini akan berakibat buruk. Tegese tembung : 1.       sekar : tembang 2.       catur : papat/omong 3.       cinatur : diomongke 4.       polah : tumindak,perilaku
Baca selengkapnya