Teks Narasi Tentang Peristiwa Manganan Janjang

Teks naratif yaiku teks kang nyritakake kedadeyan utawa kisah sakiwa tengene siswa utawa pengarang.
Teks naratif ana kang asipat khayalan nanging uga ana kang asipat aktual utawa kedadeyan sabenere.

Kajaba iku, teks naratif duweni maksud kanggo aweh pendhidhikan,menehi ngerti,menehi refleksi, menehi daya imajinasi lan menehi panglipur marang para siswa lan sapa wae wong kang padha maca teks mau.
Manut Kamus Besar Bahasa Indonesia “ Teks naratif adalah teks yang tidak bersifat dialog dan isinya merupakan kisah sejarah,deretan peristiwa, dsb”

 Tuladhane teks naratif :

 MANGANAN JANJANG

   Sedina sadurunge sedhekah bumi Janjang bakul-bakul wis padha mara saperlu nata panggonan. Bakul dolanan bocah, bakul rupa-rupa panganan, bakul sandhangan lan liya-liyane. Yen pinuju sedhekah bumi  dalan
tumuju pesareane Mbah Janjang kiwa tengen kebak bakul kaya pasar ngalih enggon.                  

 Dene warga desa Janjang lan sakiwa tengene padha nggawe jajan lan ambeng kanggo kaperluan sedhekah bumi kang mesthi tiba dina Jemuah Pon iku. Ora keri Mbah Sakimah. Mbah Sakimah esuk iku mlaku rungkuk-rungkuk turut dalan pinggir alas jati tumuju menyang desa Janjang karo nggendhong ambeng kanggo sedhekah bumi.  Sawise tekan plataran pesareane Mbah Janjang ambeng kang wujude sega lan urap iku banjur dipasrahake marang pawongan kang wis siyaga nampani ambeng-ambenge para warga kang melu sedhekah bumi. Ambenge Mbah Sakimah mau banjur dikumpulake karo ambenge para warga liyane.
      
Mbah Sakimah kang asale saka dhukuh Ngurep, desa Bleboh iku melu sedhekah bumi amarga kepengin sedhekah (weweh) sebab dheweke wis diwehi (diparingi) kecukupan saka Gusti Allah. Ambeng kang dikumpulake mau banjur dibunteli nganggo godhong jati lan diedum kabeh wong kang teka ana kono nganti etek. Dene banyune dijupukake saka genthong.
       Wujud syukur ora mung weweh kaya sedhekah bumi iki nanging kudu bisa ngajeni panganan. Upamane : Yen mangan kudu ndedonga luwih dhisik. Yen mangan aja nyisa lan ora  elok mbuwang-mbuwang panganan.

Ngelmu titen
       Unen-unene wong Jawa ‘pinter iku jalaran saka niteni’. Critane kena kanggo niteni, yen anggone ngedum ambeng segane kurang tahun ngarep bakal ‘larang pangan’, yen sing kurang godhonge tahun ngarep arep panen mbako gagal, lha yen sing kurang banyune pratandhane arep ketiga dawa. Yen niteni kaya ngene iki banjur padha ngati-ati anggone padha olah tetanen. Padha ngati-ati anggone nyimpen panenan.

Wayang Krucil
        Kang sinebut Mbah Janjang sejatine Pangeran Jati Kusuma lan Jati Suwara kekarone isih sedulur karo Pangeran Benawa Adipati Jipang Panolan. Pangeran Benawa entuk warisan Wulu Dumba Pancal Panggung, yaiku kumpulan pusaka Pajang. Pusaka-pusaka iku kasimpen ana ing genthong gawean cina. Genthong iku dicolong kadipaten Rajekwesi, saiki Bojonegoro.

Pangeran Jati Kusuma lan Jati Suwara kautus Pangeran Benawa nggoleki. Pangeran sakloron banjur tekan desa
Janjang ing kono banjur mulang warga sakiwa tengene babagan agama Islam lan ngelmu kawruh liyane. Pangeran sakloron uga gawe wayang krucil nganti saiki dikepyakna nalika sedhekah bumi Janjang kanthi lakon “Mbedhah Negari Makadam”. Lakon iki nyritakake padudon antarane agama Nasrani lan agama Islam sing akhire dadi rukun urip bebarengan.

Komentar

Posting Komentar

Postingan populer dari blog ini

Terjemahan Serat Wulangreh Pupuh Pangkur

SERAT WULANGREH PUPUH PANGKUR Anggitanipun Kanjeng Sri Susuhunan Pakubuwana IV. ( Pada 1 ) Kang sekar pangkur winarna lelabuhan kang kanggo wong ngaurip ala lan becik puniku prayoga kawruhana adat waton puniku dipun kadulu Mmiwah ta ing tata karma den kaesthi siyang ratri. Terjemahan bebas mawa basa jawa : Piwulang kang   kaemot mawa tembang pangkur, prayogane kokmangerteni, bab pangabdian marang panguripan, bab apik lan ala perlu dimangerteni uga, perlu uga dimangerteni adat lan aturan, saben dinane aja padha nglalekake tata krama, awan lan bengi. Terjemahan bebas basa Indonesia: Nasihat ini dimuat dalam tembang pangkur, seyogyanya kamu memahami hakikat pengabdian bagi kehidupan, tentang baik dan buruk perlu kamu ketahui. Pahami pula adat dan aturan,serta siang malam jangan kau lupakan tata karma tersebut. Tegese tembung : Sekar : tembang Winarna : rupane,wujude Lelabuhan : jasa,kabecikan,pengabdian Prayoga : luwih becik Kawruhana
Baca selengkapnya

Terjemahan Serat Wulangreh Pupuh Gambuh

SERAT WULANGREH PUPUH GAMBUH Anggitanipun Kanjeng Sri Susuhunan Pakubuwana IV.                                                          ( Pada   01 ) Sekar gambuh ping catur kang cinatur polah kang kelantur tanpa tutur katula-tula katali kadaluwarsa katutuh kapatuh pan dadi awon. Terjemahan bebas mawa basa jawa : Tindak-tanduk kang ora gelem ngrungokake pituture wong liya, tindak tanduk kang ora becik kaemot ing sekar gambuh iki, tindak tanduk ala kang ora ana rampunge lan ora ana kendhaline bakal ala asile lan ngrugekake manugsa dhewe. Terjemahan bebas mawa basa Indonesia : Semuanya dimuat dalam Sekar Gambuh. Tembang ini memuat perilaku yang tidak teratur dan menjadi perbincangan orang banyak. Jika tidak mau mendenganr nasihat orang lain,semakin lama semakin tidak terkendali, hal ini akan berakibat buruk. Tegese tembung : 1.       sekar : tembang 2.       catur : papat/omong 3.       cinatur : diomongke 4.       polah : tumindak,perilaku
Baca selengkapnya

Tembung-tembung Dasa Nama Lengkap

Dasa nama asale saka tembung dasa = sepuluh, lan nama = jeneng. Dasa nama tegese jeneng pirang-pirang kang tegese padha utawa meh padha (jenenge liya). A. Abang : abing, mbranang, mbrining, merah, jingga, dhadu, rekta, abrit, mirah. Akal : budi, utek, budaya, nalar, reka, pikir, angen-angen Akeh : akwèh, kèh, kwèh, ripah, gung, agung, waha. Aku : amba, ingong, ingwang, ulun, ingsun, kawula, patikbra, manira, robaya, ketenggong. Ala : dur, durta, juti, durstha, dusta, kunjana, durniti, durlaksana. Alas : wana, bana, tarataban, girang, lirang, utan, baga, wulusan, welahan, wanawasa, wanadri, jenggala, kenana,wanantara. Alem : astawa, alembana. Alis : drasthi, rasthi, siratmaja, hening, dahya.imba Alis : imba Allah : Hyang Widhi, Hyang Manon, Hyang Maha Kawasa, Hyang Maha Asih, Hyang Maha Agung, Hyang Murbeng Jagad, Hyang Maha Adil, Hyang Akarya Jagad, lsp. Alus : mredu, wredu, mardawa, wèdi, widigda, sudha, tanu. Ambegan : napas, huswa, swasa, huswasa.
Baca selengkapnya