SANEPA


Sanepa yaiku unen-unen saemper pepindhan, kedadean saka rong tembung 
( tembung kahanan lan tembung aran ) sing ngemu karep mbangetake.
( Tembung kahanan : kata sifat)
( Tembung aran : kata benda )

Carane negesi sanepa yaiku digoleki kosok balene tembung kahanane, terus ditambahi tembung kang ngemu surasa mbangetake,kaya ta banget.

Tuladhane :
1.     Ambune arum jamban tegese ambune banger banget.
2.     Awake kuru semangka tegese awake lemu banget.
3.     Balunge atos debog tegese balunge empuk banget.
4.     Balunge  wuled godhong lumbu tegese kulite gampang suwek/ringkih.
5.     Barange aji godhong garing tegese barange ora aji banget.
6.     Bobote abot kapuk tegese bobote entheng banget.
7.     Bobote abot merang sagedheng tegese bobote entheng banget.
8.     Cahyane abang dluwang tegese cahyanea pucet banget.
9.     Dedege dhuwur kencur tegese dedege cendhek banget.
10.  Enggale suwe banyu sinaring tegese wektune cepet banget.
11.  Eseme pait madu tegese eseme manis banget.
12.  Kawruhe jero tapak meri tegese kawruhe sethithik banget.
13.  Pamandenge kedhep tesmak tegese pamandenge njinggleng.
14.  Pikirane landhep dhengkul tegese pikirane bodho banget.
15.  Playune lonjong botor (mimis) tegese playune banter banget.
16.  Playune rindhik asu digitik tegese playune banter banget.
17.  Polahe anteng kitiran tegese polahe akeh banget.
18.  Rasane legi bratawali tegese rasane pait banget.
19.  Rembuge peret beton tegese rembuge alus banget.
20.  Srawunge renggang gula kumepyur pulut tegese srawunge raket banget.
21.  Tatune arang kranjang tegese tatune kerep banget.
22.  Tembunge pait madu tegese tembunge manis banget.
23.  Tembunge resik peceren tegese tembunge rusuh banget.
24.  Ulate bening leri tegese ulate mrengut bae.
25.  Utange arang wulu kucing tegese utange akeh banget.
26.  Wektune suwe mijet wohing ranti tegese wektune sedhela banget.
27.  Wujude agal glepung tegese wujude lembut banget.

Komentar

Posting Komentar

Postingan populer dari blog ini

Terjemahan Serat Wulangreh Pupuh Pangkur

SERAT WULANGREH PUPUH PANGKUR Anggitanipun Kanjeng Sri Susuhunan Pakubuwana IV. ( Pada 1 ) Kang sekar pangkur winarna lelabuhan kang kanggo wong ngaurip ala lan becik puniku prayoga kawruhana adat waton puniku dipun kadulu Mmiwah ta ing tata karma den kaesthi siyang ratri. Terjemahan bebas mawa basa jawa : Piwulang kang   kaemot mawa tembang pangkur, prayogane kokmangerteni, bab pangabdian marang panguripan, bab apik lan ala perlu dimangerteni uga, perlu uga dimangerteni adat lan aturan, saben dinane aja padha nglalekake tata krama, awan lan bengi. Terjemahan bebas basa Indonesia: Nasihat ini dimuat dalam tembang pangkur, seyogyanya kamu memahami hakikat pengabdian bagi kehidupan, tentang baik dan buruk perlu kamu ketahui. Pahami pula adat dan aturan,serta siang malam jangan kau lupakan tata karma tersebut. Tegese tembung : Sekar : tembang Winarna : rupane,wujude Lelabuhan : jasa,kabecikan,pengabdian Prayoga : luwih becik Kawruhana
Baca selengkapnya

Tembung-tembung Dasa Nama Lengkap

Dasa nama asale saka tembung dasa = sepuluh, lan nama = jeneng. Dasa nama tegese jeneng pirang-pirang kang tegese padha utawa meh padha (jenenge liya). A. Abang : abing, mbranang, mbrining, merah, jingga, dhadu, rekta, abrit, mirah. Akal : budi, utek, budaya, nalar, reka, pikir, angen-angen Akeh : akwèh, kèh, kwèh, ripah, gung, agung, waha. Aku : amba, ingong, ingwang, ulun, ingsun, kawula, patikbra, manira, robaya, ketenggong. Ala : dur, durta, juti, durstha, dusta, kunjana, durniti, durlaksana. Alas : wana, bana, tarataban, girang, lirang, utan, baga, wulusan, welahan, wanawasa, wanadri, jenggala, kenana,wanantara. Alem : astawa, alembana. Alis : drasthi, rasthi, siratmaja, hening, dahya.imba Alis : imba Allah : Hyang Widhi, Hyang Manon, Hyang Maha Kawasa, Hyang Maha Asih, Hyang Maha Agung, Hyang Murbeng Jagad, Hyang Maha Adil, Hyang Akarya Jagad, lsp. Alus : mredu, wredu, mardawa, wèdi, widigda, sudha, tanu. Ambegan : napas, huswa, swasa, huswasa.
Baca selengkapnya

Terjemahan Serat Wulangreh Pupuh Gambuh

SERAT WULANGREH PUPUH GAMBUH Anggitanipun Kanjeng Sri Susuhunan Pakubuwana IV.                                                          ( Pada   01 ) Sekar gambuh ping catur kang cinatur polah kang kelantur tanpa tutur katula-tula katali kadaluwarsa katutuh kapatuh pan dadi awon. Terjemahan bebas mawa basa jawa : Tindak-tanduk kang ora gelem ngrungokake pituture wong liya, tindak tanduk kang ora becik kaemot ing sekar gambuh iki, tindak tanduk ala kang ora ana rampunge lan ora ana kendhaline bakal ala asile lan ngrugekake manugsa dhewe. Terjemahan bebas mawa basa Indonesia : Semuanya dimuat dalam Sekar Gambuh. Tembang ini memuat perilaku yang tidak teratur dan menjadi perbincangan orang banyak. Jika tidak mau mendenganr nasihat orang lain,semakin lama semakin tidak terkendali, hal ini akan berakibat buruk. Tegese tembung : 1.       sekar : tembang 2.       catur : papat/omong 3.       cinatur : diomongke 4.       polah : tumindak,perilaku
Baca selengkapnya