Parikan Basa Jawa


Parikan  yaiku basa pinathok kang pangrakite nggunakake purwakanthi swara.
Paugerane parikan, yaiku :
1)             Kadadean saka rong ukara, dhapukaning ukara nganggo purwakanthi swara.
2)             Saben saukara kadadean rong gatra.
3)             Ukara kang sepisan minangka bebuka, ukara kapindho minangka isine.
4)            Sing saukara kadadean patang gatra, gatra kapisan lan kapindho minangka bebuka, gatra katelu lan kaping pat minangka isine.
Tuladha :
1.             Abang-abang ora legi, mampang-manpang jebul ra wani.
2.             Abang-abang ora legi, tiwas magang ora dadi.
3.             Ali-ali mata telu, aja lali mring wajibmu.
4.             Andheng-andheng ana irung, sapa mandeng bisa wuyung.
5.             Bacem kaline, sajake ayem atine.
6.             Bisa nyawang ora bisa nyuling, bisa nyawang ora bisa nyandhing.
7.             Blarak disamperke, omahe cerak ra ngampirke.
8.             Brambang karo jae, lanang wadon padha bae.
9.             Brangkal keli banyu, barang mokal angel ketemu.
10.         Ciyu ra digambar, tiwas kiyu ra dibayar.
11.         Gaplek pringkilan, wis tuwek kok pethakilan.
12.         Gumuk gunung cilik, aja umuk mundhak kecelik.
13.         Jagung bakarane, wani tanggung prekarane.
14.         Jambu apa jeruk, aku melu apa entuk.
15.         Jaran kepang mangan pari, klambi abang sing marahi (klambi abang merak ati).
16.         Jeruk jambu nanas, rada watuk ngelu panas.
17.         Kecipir mrambat kawat, ora mampir yen liwat.
18.         Mangan kupat tanpa santen, yen lepat nyuwun ngapunten.
19.         Manuk prenjak mabur ngulon, nyedhak-nyedhak arep takon.
20.         Nandur pari palawija, sing setiti dadi mulya.
21.         Ngetan bali ngulon, tiwas ngedan ora kelakon.
22.         Ngombe ciyu gambar manuk, nembung melu apa entuk.
23.         Nyangking ember ngiwa tengen, lungguh jejer tamba kangen.
24.         Pari gaga ledhung-ledhung, sing sembrana dadi bingung.
25.         Pecut diseblake, wis kebacut dikapake.
26.         Pedhot neng sunggingan, sumedhot saya kelingan.
27.         Pring ori cagak memean, ora wedi diajak kangelan.
28.         Pring ori dienggo sulingan, cegat mburi metu iringan.
29.         Semarang kaline banjir, ja sumelang ra dipikir.
30.         Si belo nusu jaran, sapa bodho kasangsaran.
31.         Tela mambu angin, wong tuwa wis ora pengin.
32.         Timun sigarane, ayo mbangun negarane.
33.         Tuku ciyu sagelase, nembung melu salawase.
34.         Tuku lilin dawa-dawa, tiwas salin ora sida.
35.         Tuku srabi menyang sala, dienteni ra rumangsa.
36.         Ula talipicis, gawe gela ora uwis-uwis.
37.         Wajik klethik gula jawa, luwih becik sing prasaja.
38.         Wedang bubuk gula jawa, ati mathuk katone suka.
39.         Wit kelapa jare glugu, ngreganana wong tuwamu.
40.         Wit semangka dawa-dawa, ngajenana sapapadha.
41.         Kembang mlathi, ganda wangi warna peni
Watak putri kudu gemi lan nastiti.
42.         Kembang menur, ditandur ing pinggir sumur
Yen wis makmur aja lali mring sedulur.
43.         Kembang aren, sumebar tepining kalen
Aja dahwen, yen kowe kepengin kajen.
44.         Rujak nanas pantes diwadhahi gelas
Tiwas-tiwas nglabuhi wong ora nggagas.
45.         Rujak cengkir pantes diwadhahi takir
Mlipar-mlikir jebulane duwe esir.
46.         Tawon madu, ngisep sari kembang bestru
Aja nesu yen dituduhke luputmu.
47.         Kembang salak, sumber aneng tengah bulak
Aja anggak luwih becik sing sumanak.
48.         Kembang randhu, sadhompol isine telu
Timbang nesu ayo padha mesem ngguyu.
49.         Kayu urip ora ngepang, ijo-ijo godhong jati
Wong urip ora gampang, mula padha ngati-ati.
50.         Kembang randhu jeneng karuk, tiba klumah mawur-mawur
Gampang nesu gelis wungkuk, lembah manah tambah umur.

Komentar

Posting Komentar

Postingan populer dari blog ini

Terjemahan Serat Wulangreh Pupuh Pangkur

SERAT WULANGREH PUPUH PANGKUR Anggitanipun Kanjeng Sri Susuhunan Pakubuwana IV. ( Pada 1 ) Kang sekar pangkur winarna lelabuhan kang kanggo wong ngaurip ala lan becik puniku prayoga kawruhana adat waton puniku dipun kadulu Mmiwah ta ing tata karma den kaesthi siyang ratri. Terjemahan bebas mawa basa jawa : Piwulang kang   kaemot mawa tembang pangkur, prayogane kokmangerteni, bab pangabdian marang panguripan, bab apik lan ala perlu dimangerteni uga, perlu uga dimangerteni adat lan aturan, saben dinane aja padha nglalekake tata krama, awan lan bengi. Terjemahan bebas basa Indonesia: Nasihat ini dimuat dalam tembang pangkur, seyogyanya kamu memahami hakikat pengabdian bagi kehidupan, tentang baik dan buruk perlu kamu ketahui. Pahami pula adat dan aturan,serta siang malam jangan kau lupakan tata karma tersebut. Tegese tembung : Sekar : tembang Winarna : rupane,wujude Lelabuhan : jasa,kabecikan,pengabdian Prayoga : luwih becik Kawruhana
Baca selengkapnya

Terjemahan Serat Wulangreh Pupuh Gambuh

SERAT WULANGREH PUPUH GAMBUH Anggitanipun Kanjeng Sri Susuhunan Pakubuwana IV.                                                          ( Pada   01 ) Sekar gambuh ping catur kang cinatur polah kang kelantur tanpa tutur katula-tula katali kadaluwarsa katutuh kapatuh pan dadi awon. Terjemahan bebas mawa basa jawa : Tindak-tanduk kang ora gelem ngrungokake pituture wong liya, tindak tanduk kang ora becik kaemot ing sekar gambuh iki, tindak tanduk ala kang ora ana rampunge lan ora ana kendhaline bakal ala asile lan ngrugekake manugsa dhewe. Terjemahan bebas mawa basa Indonesia : Semuanya dimuat dalam Sekar Gambuh. Tembang ini memuat perilaku yang tidak teratur dan menjadi perbincangan orang banyak. Jika tidak mau mendenganr nasihat orang lain,semakin lama semakin tidak terkendali, hal ini akan berakibat buruk. Tegese tembung : 1.       sekar : tembang 2.       catur : papat/omong 3.       cinatur : diomongke 4.       polah : tumindak,perilaku
Baca selengkapnya

Tembung-tembung Dasa Nama Lengkap

Dasa nama asale saka tembung dasa = sepuluh, lan nama = jeneng. Dasa nama tegese jeneng pirang-pirang kang tegese padha utawa meh padha (jenenge liya). A. Abang : abing, mbranang, mbrining, merah, jingga, dhadu, rekta, abrit, mirah. Akal : budi, utek, budaya, nalar, reka, pikir, angen-angen Akeh : akwèh, kèh, kwèh, ripah, gung, agung, waha. Aku : amba, ingong, ingwang, ulun, ingsun, kawula, patikbra, manira, robaya, ketenggong. Ala : dur, durta, juti, durstha, dusta, kunjana, durniti, durlaksana. Alas : wana, bana, tarataban, girang, lirang, utan, baga, wulusan, welahan, wanawasa, wanadri, jenggala, kenana,wanantara. Alem : astawa, alembana. Alis : drasthi, rasthi, siratmaja, hening, dahya.imba Alis : imba Allah : Hyang Widhi, Hyang Manon, Hyang Maha Kawasa, Hyang Maha Asih, Hyang Maha Agung, Hyang Murbeng Jagad, Hyang Maha Adil, Hyang Akarya Jagad, lsp. Alus : mredu, wredu, mardawa, wèdi, widigda, sudha, tanu. Ambegan : napas, huswa, swasa, huswasa.
Baca selengkapnya